–ललेन्द्र शाक्य
कीर्तिपुर– विजयादशमी २०८२ को शुभ अवसरमा “अन्तर मोन्टेसरी स्कूल नृत्य प्रतियोगिता” हुने भएको छ । कीर्तिपुरको ट्यांगलाफाँटस्थित फस्र्ट स्टेप प्रि–लर्निङ स्कूलले कीर्तिपुर नगरपालिकाका १ देखि १० वडाभित्र रहेका मोन्टेसरी स्कूलहरुबीच प्रतियोगितात्मक नृत्य प्रतियोगिताको आयोजना गर्न लागेको हो । आयोजक उक्त फस्र्ट स्टेप प्रि–लर्निङ स्कूलका इञ्चार्ज देबेन्द्र महर्जनका अनुसार “अन्तर मोन्टेसरी स्कूल नृत्य प्रतियोगिता” २०८२ असोज ४ गते हुनेछ । “अन्तर मोन्टेसरी स्कूल नृत्य प्रतियोगिता” मा सहभागिताका लागि कीर्तिपुर नगरपालिकाभित्रका सम्पूर्ण मोन्टेसरी स्कूलहरुलाई आयोजक फस्र्ट स्टेप प्रि–लर्निङ स्कूलले आह्वान गरेको छ । केही बर्ष अगाडिदेखि उक्त स्कूलले स्कूलभित्रका विद्यार्थी एवं शिक्षिकाहरुबीच नृत्य प्रतियोगिता र प्रदर्शन गर्दै आइरहेको र यस वर्षको विजयादशमीको उपलक्ष्यमा कीर्तिपुर नगरपालिकाभित्रका मोन्टेसरी स्कूलहरुबीच “अन्तर मोन्टेसरी स्कूल नृत्य प्रतियोगिता” गर्न लागेको जानकारी पनि आयोजक स्कूल फस्र्ट स्टेप प्रि–लर्निङका इञ्चार्ज देवेन्द्र महर्जनले दिनुभयो । महर्जनले कीर्तिपुर नगरपालिकाभित्रका सम्पूर्ण मोन्टेसरी स्कूलहरुलाई उक्त “अन्तर मोन्टेसरी स्कूल नृत्य प्रतियोगिता” मा सहभागी हुन अनुरोध गर्नुभएको छ ।
