जेठ २२ गते
कीर्तिपुर नगरपालिकाका उपप्रमुख शुभलक्ष्मी शाक्य सुनिताले कीर्तिपुर नगरपालिकाको बर्खाहितस्थित प्रशासनिक भवनमा नगर अस्पताल संचालन गर्नका लागि प्रस्ताव गर्नु भएको छ । विष्णुदेवी अस्पतालको २४ घण्टे सेवा संचालन भएको घोषणा गरेको कार्यक्रममा उपप्रमुख शाक्यले सो प्रस्ताव गर्नु भएको हो । उहाँले नगरपालिकाको भवन अन्य स्थानमा निर्माण गर्न पनि प्रस्ताव गर्नु भयो । गत जेठ २० गते कीर्तिपुर नगरपालिकाका मेयर, वडा अध्यक्षहरु साथै राजनीतिक दलका प्रतिनिधिहरु सहभागी भएको उक्त कार्यक्रममा उपप्रमुख शाक्यले सो प्रसताव गर्नु भएको हो । अस्पतालका लागि भवन नपुग रहेको चर्चा गर्दै उपप्रमुखले गर्नु भएको प्रस्तावलाई प्रमुख कृष्णमान डंगोले अस्वीकार गर्नु भयो । उपप्रमुखले हालको नगरपालिका भवनमा अस्पताल राख्ने भनी गर्नु भएको प्रस्तावबारे बोल्दै मेयर डंगोले अस्पतालका लागि नगरपालिकाको भवन भएको स्थान पनि ठिक छैन भन्नु भयो । नगर प्रमुख डंगालले हाल विष्णुदेवी अस्पताल रहेको स्थानमा नै स्तर उन्नती गर्दै पाँच तल्ला बनाउने योजना रहेको र आफ्नो सपना रहेको बताउनु भयो । उहाँले स साना स्थालनलाई पनि उपयोग गर्ने गरि अघि बढ्नुपर्ने कुरामा जोड दिनु भयो ।
