श्री हल्चोक आकाश भैरवको १२ बर्षे जात्रा समापन

काठमाण्डौ उपत्यकाका विभिन्न जात्रा पर्वहरु मध्ये मौलिक किसिको श्री हल्चोक आकाश भैरवको जात्राको औपचारिक रुपमा समापन भएको छ । जेठ १७ गते हल्चोकमा नै औपचारिक कार्यक्रम गरि जात्रासंग सम्वन्धित विभिन्न ब्यक्तित्वहरुलाई सम्मान गर्नुका साथै प्रसाद ग्रहण कार्यक्रम गरि जात्रा समापन गरिएको थियो ।
२०८२ साल बैशाख १ गतेदेखि ३१ गते सम्म एक महिना सम्म संचालन भएको श्री हल्चोक आकाश भैरको १२ बर्षे जात्रा सभ्य र भब्य रुपमा सम्पन्न भएको आयोजकहरुले बताएका छन् । श्री हल्चोक आकाश भैरव समाज, श्री हल्चोक आकाश भैरव गुथिको संयुक्त आयोजनमा भएको कार्यक्रममा देवगण भई नाँच प्रस्तूति गर्ने, बाजा बजाउने, गीत गाउनेदेखि विभिन्न समितिमा बसी सहयोग गरेका र प्रचार प्रसारका लागि भूमिका निर्वाह गरेका संचार संस्थादेखि संचारकर्मीहरुलाई पनि कृतज्ञता पत्र प्रदान गरेको थियो । कार्यक्रममा कीर्तिअलनलाईनका अध्यक्ष एवं क्यामरा पर्सन प्रताप महर्जनलाई पनि कृतज्ञतापत्र प्रदान गरेको थियो ।