नेवाः देय् दबूको अधिवेशन कावासोतीमा हुने

चैत्र १५, नेवाःहरुको साझा राष्ट्रिय संगठन नेवाः देय् दबूको आठौं महाधिवेशन गण्डकी प्रदेशको नवलपरासी जिल्लाको कावासोती नगरपालिकामा हुने भएको छ । नेवाः देय् दबूको चैत्र १४ गते कावासोतीमा बसेको केन्द्रीय समितिको बैठकले आउदो २०८२ सालको जेठ महिनाको २ गतेदेखि ४ गते सम्म कावासोतीमा नै महाधिवेशन गर्ने निर्णय गरेको हो । यसअघि सुदुरपश्चिम प्रदेशको कञ्चनपुरमा महाधिवेशन गर्ने भनी निणर्य गरेको भएतापनि विशेष कारणले सो स्थानामा हुन नसक्ने अवस्था आएपछि अव कावासोतीमा महाधिवेशन गर्ने निर्णय गरेको हो । नेवाः देय् दबूको केन्द्रीय महाधिवेशनका लागि वडा, पालिका, जिल्ला र सबै प्रदेशको अधिवेशन सम्पन्न भइसकेको अवस्था छ ।