काठमाडाैं | नेपाल टेलिकमले चालू आर्थिक वर्षको पहिलो त्रैमासिक (साउनदेखि असोज) सम्ममा ११ अर्ब ४ करोड ९० हजार रुपैयाँ आम्दानी गरेको छ ।
टेलिकमले चालू आर्थिक वर्ष २०७९/८० को पहिलो त्रैमासिकमा गरेको आम्दानी गत आर्थिक वर्षको सोही अवधिको तुलनामा ०.८० प्रतिशत मात्रै बढी हो ।
टेलिकमले यो वर्षको पहिलो चौमासिकमा गत वर्षभन्दा ८ करोड ७७ लाख ४३ हजार बढी आम्दानी गरेको छ । गत वर्ष यस्तो आम्दानी १० अर्ब ९५ करोड २३ लाख ४६ हजार रुपैयाँ थियो । गत आवको प्रथम त्रैमासिकमा (२०७८ असोज मसान्त) सम्ममा कम्पनीको कूल सञ्चालन आय ९ अर्ब ७७ करोड ५२ लाख ९४ हजार थियो । यस्तो आय चालू आवको सोही अवधि (२०७९ असोज मसान्त) सम्ममा ६९ करोड ७७ लाख ९ हजारले कम भएको टेलिकमले जानकारी दिएको छ ।
