काठमाडौं । जाडो सुरु भएसँगै हाम्रो शरीरमा संक्रमणको खतरा बढ्न थाल्छ, यस्तो अवस्थामा धेरै रोगले हामीमाथि आक्रमण गर्न सक्छ। त्यसप्रति सचेत भएनौं भने हाम्रो स्वास्थ्य बिग्रन सक्छ । यस्तो चिसो मौसममा धेरैलाई रुघाखोकी लाग्ने घाँटी दुख्ने, खोकी लाग्ने गर्दछ । यसबाट बच्न भान्सामा राखिएका केही चीजहरू प्रयोग गरेर नै घरेलु उपाय अपनाई हामी रूघाखोकीबाट बच्न सक्छौं ।
चिसोबाट हुने संक्रमणबाट बच्न यी ५ घरेलु उपाय अपनाउनुहोस ।
ल्वाङ र तुलसी– रुघाखोकी र घाँटी खस्सखस हुने यो मौसममा धेरैलाई हुने गर्दछ । यस्तो अवस्थामा यी दुई मसलालाई पिसेर महसंग मिसाएर खानुहोस्, यसले नाक र घाँटीको दुखाइ हटाउनुका साथै संक्रमणको जोखिम पनि कम हुन्छ ।तुलसीको प्रयोगले छातीमा चिसो लाग्न पाउँदैन । यदि चिसो लागेको छ भने कफ निकाल्छ । छातीको दुखाइ पनि कम गर्छ । तुलसीको अद्भूत क्षमताले स्वास प्रणालीको झिल्लीमा पनि सकारात्मक प्रभाव पार्दछ।
च्यवनप्राश– च्यवनप्राशलाई आयुर्वेदिक औषधि मानिन्छ। चिसो लाग्दा यसको धेरै प्रयोग गर्ने गरिन्छ। यसलाई दिनहुँ राति एक गिलास दूधसँग पिउनुपर्छ जसले गर्दा चिसो, चिसो र कुनै पनि प्रकारको संक्रमणबाट बच्न सकिन्छ। सबै मानिसका लागि पोषणयुक्त चीज हो, च्यवनप्राश । च्यवनप्राशमा औषधीय गुणले भरपूर लगभग ३६ तरहको जडीबुटी हुन्छ । केशर, नागकेशर, सुकुमेल, दालचिनी, मह, तजपत्ता, पुकरमूल, कमल गट्टा लगायतका जडिबुटी मिश्रण गरिएको हुन्छ । पौराणिक ग्रन्थहरुमा ‘च्यवनप्राश’लाई प्रभावकारी ओखतीको रुपमा व्याख्या गरिएको छ । च्यवनप्राशमा प्रशस्त मात्रामा भिटामिन सी हुन्छ र एन्डिअक्सिडेन्ट पनि पाइन्छ । जसले चिसोमा हुने संक्रमणबाट जोगाउँछ ।
नियमित वाफ लिनु: यस मौसममा तपाईले नियमित वाफ लिनु पर्छ। जसले चिसोको प्रभावलाई कम गर्छ र श्वासप्रश्वासमा हुने समस्यालाई पनि कम गर्छ। उमालेको पानीमा बाम मिसाएर वाफ सुँघ्न सकिन्छ, साथै नुन र मनतातो पानीले कुल्ला गर्नाले घाँटी सफा हुन्छ ।
मह र अदुवा–जाडोको मौसम नजिकिँदै गर्दा मह र अदुवाको रस मिसाएको पानी पिउनुहोस् । यसले जाडोमा हुने संक्रमणबाट बचाउँछ । यदि कसैलाई चिसोको संक्रमण भएमा मह र अदुवाको रसलाई तताएर पिउनाले २–३ दिनमा निको हुन्छ ।
बेसार र तातो दूध– बदलिँदो मौसमले हाम्रो रोग प्रतिरोधात्मक क्षमतामा धेरै प्रभाव पार्छ। त्यसैले बेसारसहितको तातो दूध दिनको २ पटक पिउनुपर्छ किनभने यसमा पाइने एन्टिबायोटिकको सहयोगले संक्रमणबाट बच्न सकिन्छ र रुघाखोकी लाग्दैन ।
