चैत्र २८ गते
खोला मापदण्ड खारेज गर्नुपर्ने माग गर्दै आज राजधानीको फिब्व ख्यः (माइतिघर मण्डला)मा प्रदर्शन गरेको छ । भूमि अधिकार संरक्षण समिति र धोविखोला करिडोर प्रभावित मूल समितिको संयुक्त आह्वानमा काठमाण्डौले सो प्रदर्शन आयोजना गरेको हो । उपत्यकाका विभिन्न स्थानबाट भेला भएकाहरुले खोला मापदण्ड खारेज गर्नुपर्ने माग गर्दै प्लेकार्ड समेत प्रदर्शन गरेका थिए । ‘सम्पूर्ण खोला मापदण्ड खारेज गर, हाम्रो भूमि लुट्ने बन्द गर, जनताको पीडामा सरोकार नराखने सरकार चाहिदैन, निजी घर जग्गामाथिको हस्तक्षेप बन्द गर’ जस्ता नारा लेखिएको प्लेकार्ड प्रदर्शन गरेका थिए ।
काठमाण्डौ उपत्यकाका नदी तथा खोलबाट दाँयाबाँया २० मिटर नयाँ संचरना बनाउन नपाइने सर्वोच्च अदालतको आदेश कार्यान्वयनका लागि काठमाण्डौ महानगरपालिकाले सूचना निकालेको थियो । प्रदर्शनमा भूमि अधिकार संरक्षण समितिका श्यामकृष्ण प्रजापति, धोविखोला करिडोर प्रभावित मू समितिका ऋषिराम बस्या लगायतले जनताको मागलाई सम्वोधन गर्न माग गरेका थिए ।
आज विहिवारको उक्त प्रदर्शनका लागि तयारीको क्रममा केहि दिन अघिदेखि विभिन्न स्थानमा प्रचारात्मक रुपमा प्रदर्शन र कोणसभा गर्दे आएको थियो ।
