माघ,६
नेपालभाषा गायत क्षेत्रको पहिलो सांगीतिक रियालिटी शो नेवाः आईडल दोस्रो संस्करण अन्तर्गत शनिवार भएको फिनाले मा आश्रय रञ्जित नेवाः आईडल हुन सफल भए । पुरस्कार स्वरुप रंजितलाई
ट्रोफी, प्रमाणपत्रका साथ साथै नगद १ लाख २५ हजारका साथै विभिन्न गिफ्ट ह्याम्पर प्रदान गरेको थियो । फर्स्ट रनर अप हुन सफल रत्न मान महर्जनलाई प्रमाणपत्रका साथै नगद ५० हजार र सेकेन्ड रनर अप सुजितमान शाक्यलाई प्रमाणपत्र, नगद २५ हजार प्रदान गरेको थियो । निर्णायक मण्डलमा संगीतकार गोविन्द ह्यूमत र संगीता शाक्य रहेका थिए । जम्मा ७० जनाको सहभागीतामा विभिन्न चरणको छनौट हुदै फाइनलमा सुजितमान शाक्य, हना महर्जन, रत्नमान महर्जन, अशेष महर्जन, अनिल सयमि, अनिशराज श्रेष्ठ र आश्रय रञ्जित पुगेका थिए । फाल्कन इभेन्टको आयोजना भएको उक्त कार्यक्रममा पहिलो नवाः आइडल मञ्जिल शाक्यले नयाँ नेवाः आईडल रंजितलाई ट्रफि प्रदान गरेको थियो ।
नयाँ नेवाः आइडल आश्रय रन्जित
