२ दशक पछि म्युजिक भिडियो

झण्डै करिब २५ बर्ष पछि आर मानन्धरको शब्द रचना तथा दान्यहिरा पुरस्कारबाट सम्मानित बरिष्ट गायक तथा संगितकार जुजुकाजी रञ्जितको संगित तथा स्वरमा रहेको नेपाल भाषाको चर्चित गीत “छंगु म्हगः गुलि बांलाः” को म्युजिक भिडियो निर्माण भएको छ ।
मगन इन्टरटेन्मेन्टको निर्माण तथा रजिन महर्जनको निर्देशन तथा सम्पादनमा बनेको म्युजिक भिडियोमा राष्ट्रिका शाक्य र सुदिप भजूको अर्गानिक क्लासिकल लभ स्टोरी देखाइएको छ । ललितपुर स्थित खोकनाको बिभिन्न स्थानमा छायांकन गरेको उक्त म्युजिक भिडियोमा छायांकन युयुश ढकालको रहेको छ भने रंग संयोजन संजिव रत्न शाक्यले गरेको हो । लक्ष्मीकुमार महर्जनको पनि अभिनय रहेको उक्त म्युजिक भिडियोको कला निर्देशन बिक्रम महर्जनले गरेको हो । म्युजिक भिडियो नयाँ बर्ष नेपाल सम्बत ११४४ को उपलक्ष्यमा मगन इन्टरटेन्मेन्टको आधिकारीक युट्युब च्यानलबाट सार्वजनिक गरेको हो ।